మనసుకవిగా పేరుపొంది అభిమానుల మనసులు దోచుకున్న ఆత్రేయగారి జయంతి నేడు.
రాయక నిర్మాతలను, రాసి ప్రేక్షకులను ఏడిపిస్తారని ఆయన గురించి చమత్కరిస్తారు.
ఆయన వ్రాసిన ఎన్నో పాటల చరణాలు వింటే చాలు, ఆ పాటల సాహిత్యం కలకాలం
మన మనసులనుంచి చెరిగిపోవు. అలానే ఆయన సంభాషణలు అందించిన ప్రేమనగర్,
డాక్టర్ చక్రవర్తి,మాంగల్యబలం, మనుషులు మమతలు, అర్ధాంగి, విచిత్రబంధం,ఆత్మబలం,
చిలిపికృష్ణుడు, పునర్జన్మ, చక్రవాకం, మూగమనసులు ( శ్రీ ముళ్లపూడి వెంకట రమణ
గారితో) మరువలేని కమనీయ చిత్రాలు.
ఆయన వ్రాసిన పాటలలో కొన్నింటిని గుర్తు చేస్తాను. పాటల్లోని పదాలు తేలికగా
అగుపిస్తాయి, కానీ బరువైన భావంతో హృదయాల్ని కదలిస్తాయి ,కరగిస్తాయి.
వద్దురా కన్నయ్యా...వద్దురా కన్నయ్యా
ఈ పొద్దు ఇల్లు వదలి పోవద్దురా అయ్యా..అయ్యా
పశువులింటికి తిరిగి పరువులెత్తే వేళ
పసిపాపలను బూచి పట్టుకెళ్ళే వేళ.... (అర్ధాంగి)
<><><><><><><><>
కారులో షికారు కెళ్ళే పాలబుగ్గల పసిడి చానా
బుగ్గమీద గులాబిరంగు ఎలా వచ్చెనో చెప్పగలవా
(తోడికోడళ్ళు )
<><><><><><><><>
ఎవరికి ఎవరు కాపలా
బంధాలన్నీ నీకేలా
ఈ బంధాలన్నీ నీకేలా
తనువుకు ప్రాణం కాపలా
మనిషికి మనసే కాపలా
తనువును వదలి తరలే వేళ
మన మనసే మనకు కాపలా.... ( ఇంటికి దీపం ఇల్లాలు )
<><><><><><><><><>
రేపంటి రూపం కంటి-పూవింటి తూపులవంటి
నీ కంటి చూపులు వెంట నా పరుగంటి
రేపంటి వెలుగే కంటి-పూవింటి దొరనే కంటి
నా కంటి కళలు కలలు నీ సొమ్మంటి.....(మంచీ చెడూ )
<><><><><><><><>
దేవుడనేవాడున్నాడా అని మనిషికి కలిగెను సందేహం
మనుషులనే వారున్నారా అని దేమునికొచ్చెను అనుమానం..
మనసులేని ఈ మనిసిని చూసి దేవుడు రాయైపోయాడు
దేవుడు కనపడలేదని మనిషి నాస్తికుడైనాడు.... (దాగుడుమూతలు)
<><><><><><><><>
మానూ మాకును కాను
రాయి రప్పను కాను
మామూలు మణిసిని నేను
నీ మణిసిని నేను....
మణిసి తోటి ఏలాకోళం ఆడుకుంటే బాగుంటాది
మనసుతోటి ఆడకు మావా
ఇరిగిపోతే అతకదు మల్లా.......... ( మూగమనసులు)
<><><><><><>
నవ్వుతూ బతకాలిరా తమ్ముడూ-నవ్వుతూ సావాలిరా
సచ్చినాక నవ్వలేవురా
ఎందరేడ్చినా బతికిరావురా-తిరిగిరావురా...అందుకే..11నవ్వు11\
(మాయదారి మల్లిగాడు)
ఇలా ఎన్నని చెప్పాలి ఏదని చెప్పాలి? అయినా మనసుండలేక మరి కొన్ని..
పేమ ఎంత మధురం
ప్రియురాలు అంత కఠినం.
నవ్వినా ఏడ్చినా కన్నీళ్ళే వస్తాయి
బుద్ధికి హృదయము లేక
హృదయానికి బుద్ధే రాక
నరుడే ఈ నరలోకం నరకం చేసాడు
తనువుకెన్ని గాయాలైనా మాసిపోవు నెలాగైనా
మనసుకొక్క గాయమైనా మాసిపోదు చితిలోనైనా
అనుకున్నామని జరగవు అన్ని
అనుకోలేదని ఆగవు కొన్ని
జరిగేవన్ని మంచికని
అనుకోవడమే మనిషి పని.......
ఆహా! ఎంత చక్కటి పద ప్రయోగాలు! ఆత్రేయ చిరంజీవి !!
