వేదంలా ఘోషించే గోదావరి-అమరధామంలా రాణించే రాజమహేంద్రి !!

 రాజమండ్రి రైల్వే స్టేషన్

 పుష్కర్ ఘాట్ లోగోదావరీ మాత విగ్రహం

           పాత రైలు (మొదటి) వంతెన.

 కొత్త రైలు వంతెన

 లాహిరి లాహిరి లాహిరిలో -గోదావరిపై బోటు షికారు

           ఆసియాలో పెద్దదైన రోడ్ కమ్ రైలు బ్రిడ్జ్ ( పైన రోడ్డు క్రింద రైలు మార్గం)

 పుష్కరఘాట్ వద్ద శివలింగం షవర్ --కూడలిలో ఫౌంటెన్ వెనుక రైలు బ్రిడ్జ్

గోదావరి గట్టు పైన్ పార్కు ప్రక్క రోడ్డు.

మాటలతో ఆటలాడుకునే ముళ్లపూడి వెంకట రమణగారు

 అవును రమణగారు బుడుగుతో మాటలాడించినా , అది హాస్యమాటయినా,సినిమా

                              డై "లాగ" యినా ఆపాత్రకు సరిపోయేటట్లు కుట్టి తొడిగే నిపుణుడైన టైలర్! పత్రికా

                              విలేఖరిగా సినిమా సమీక్షరాసినా అందులో చమత్కారాల ఘాటు వుండాల్సిందే!

                              డూండీగారు రక్తసంబంధం తీస్తూ మాటలు వ్రాయడానికి శ్రీముళ్ళపూడిని నిర్ణయిస్తే

                              పరిశ్రమలోని వారంతా ఆత్రేయలాటి వారు వ్రాయల్సిన ఈ సినిమాకు కామెడీలు

                              వ్రాసే అతనా అంటూ చెవులుకొరుక్కొని ఆనక సినిమాలో డైలాగులు చూశాక అదే

                              విన్నాక మళ్ళీ మరో మాటానలేక నోర్లు మూతపడ్డాయట! మాటలే కాదు "ప్రేమించి

                               చూడు" లాంటి సినిమాలకూ "బుచ్చబ్బాయ్ పని కావాలోయ్" లాటి పాటలూ అంత

                              నేర్పుగానూ వ్రాశారు.

 వారం వారం స్వాతిలో తన ఆత్మకధను "కోతికొమ్మచ్చి"గా ఒక ఆత్మకధగా గాక

                              నవ్వులు కురిపిస్తూ తను ఎదుర్కొన్న కష్టాలను,    మోసాలను కళ్ళకు కట్టినట్లు

                              పాఠకుల ఎదుట నిలిపి, అలా వచ్చే కష్టాలను ఎలా ధైర్యంగా ఎదుర్కోవాలో  ఎలా

                              ఎదగాలో నేటి తరానికి చూపించారు. రమణగారు వ్రాసిన ఈ కోతికొమ్మచ్చి ఆడియో

                              సిడీగా విడుదలయిన మొదటి ఆత్మకధ అనే చెప్పాలి. ఈ ఆడియోకి యస్పీ బాల

                              సుబ్రహ్మణ్యం,కెఐ.వరప్రసాదరెడ్డి లాంటి ప్రముఖులు తమ గాత్రాన్ని అందించటం

                              మరో ప్రత్యేకత. అమెరికాలో పెరిగి తెలుగు మాట్లాడటమే తప్ప చదవటం అంతగా

                              రాని అభిమానులకోసం ఈ కోతికొమ్మచ్చి వచ్చి,ఈ ఆడియో ఎంతగానో ఆదరణ 

                              పొందింది. 

రమణగారు నేనంటే చాలా ఆత్మీయత చూపించేవారు. మా అమ్మాయి ఇంటికి చెన్నై

                              వెళ్ళీనప్పుడు ప్రతి సారీ ఆయన్ను ,బాపుగారిని కలసి రావటం అలవాటయింది. ఇక

                              ఆయనే కనీసం నెలకు ఒకటి రెండుసార్లయినా ఫోను చేసి కబుర్లు చెప్పేవారు. నా

                              కార్టూన్ల పుస్తకానికి ఆయన చేత ముందు మాట వ్రాయించాలని కోరిక వున్నా

                              అడిగే ధైర్యం లేక చాలాకాలం వరకు అడగలేదు. చివరకు ఒకసారి అడిగ్గానే వ్రాసి

                              పంపి రెండు రోజుల తరువాత మరొకటి వ్రాసి " ఇంతకు ముందు పంపినది అందినా

                              ఇదే వాడండి" అంటూ మరొకటి వ్రాసి పంపిన మహానుభావుడు. అందులో ఆయన

                              ఒక చోట ఇలా వ్రాశారు. "పొగపీలుస్తూ చక్కని కార్టూన్ పుస్తకాలు చూడడం- ద

                              అల్టిమేట్ జాయ్ ! దీనికి తోడు వెనకనించి-విన-బడే గులాం పాట...." ఇక్కడ ఆయన

                              బడేగులాంకు "విన" చేర్చి "వినబడే "గా చమత్కరించారు ! స్వాతిలో రమణగారి

                              అమ్మాయి శ్రీమతి అనూరాధ "నాన్న మామ మేము అను తోకకొమ్మచ్చి" వ్రాస్తూ

                              ".......రాముడి పని పూర్తిచేశారుకాని...మరి నాపనో" అన్న మాటలు చదివగానే మళ్ళీ

                              కళ్ళల్లో నీళ్ళుతిరిగాయి. కారు డ్రైవరును వాళ్ళమ్మాయి షాపింగ్ చేస్తూఆలస్యంగా  

                              భోజనానికి పంపిదన్న కోపంతో తను భోజనం ఛెయకుండా పడుకున్నారంటే రమణ

                              గారు తోటి మనుషులపై చూపించే ఆప్యాయత తెలుస్తుంది. రమణగారు ఎక్కడికీ

                              వెళ్ళలేదు.మన మన్నాంధ్యనే ఉంటూ నవ్వుతూ పలకరిస్తూనే వున్నారుఅని ధైర్యం 

                              చెప్పుకుంటూ బ్రతికేస్తు

ఇంద్రజాలం ! మహేంద్రజాలం !!

                                ఈ రోజు ప్రపంచ ఇంద్రజాలికుల రోజు ! మన దేశంలో

                                 పి.సి.సర్కార్ దేశవిదేశాల్లో ఐంద్రజాలికుల్లో అగ్రగణ్యుని

                                గాఖ్యాతిని పొందారు. ఆనాటి ఛందమామ పాఠకులకు

                                 పి.సి.సర్కారు చిన్న చిన్న మాజిక్కులను ప్రతి నెలా

                                పాఠకులకు చెప్పేవారు. ఆయన కుమారుడు సర్కార్

                                 జూనియర్ తండ్రి జాడలో నడుస్తుంటే ఆయన కుమార్తె

                                కూడా తండ్రితో పాటు మాజిక్ ప్రదర్శనలలో పాల్గొంటూ

                                 రాణిస్తున్నారు ఆనాటి చందమామ సర్కార్ మాజిక్కులు

                                 కధల రూపంలో కూడా కొంతకాలం ప్రచురించారు.

                                 ఇక ఎందరో వివిధరంగాళ్ళొ వున్న వ్యక్తులు మాజిక్

                                 కళను హాబీగా ఎంచుకొని ప్రజల్లో వున్న కొన్ని మూఢ

                                 నమ్మకాలను తొలగించడానికి పయత్నిస్తున్నారు.

                                 ప్రఖ్యాత సైకాలజిస్ట్ పట్టాభిరాం ఇంద్రజాలం ద్వారా

                                  యువలోకాన్ని ముందుకు తీసుకొని వెళుతున్నారు.

                                 ప్రపంచ ఇంద్రజాల దినోత్సవ సంధర్భంగా ఇంద్రజాల

                                 ప్రేమికులకు, ఇంద్రజాల మితృలకు శుభాభినందనలు..

కోడి కధ

                                     ఇలా కోడికధ చెప్పడానికి కారణం ఈ సంక్రాంతి పండుగ పేరు చెప్పి మన
                                     తెలుగు న్యూస్ చానళ్ళన్నీ కోడి కబుర్లే చెప్పాయి. అదేనండి కోడి పందాల
                                     గురించి ఒక చానెల్ కు పోటీగా పందేలుకట్టి మరీ చూపించాయి. నాకు
                                     పకోడీలంటే తినడానికి ఇష్టం , కోళ్ళంటే మాత్రం చూడటానికి ఇష్టం. అన్ని
                                     జంతు పక్షి జాతుల్లాగే మొగ కోళ్ళు మెరిసిపోయే రంగుల్తో, తలమీద
                                     ఓ కిరీటం మెడకో నెక్ టైలాటి ఎర్రటి అలంకారంతో చూడటానికి చాలా
                                     అందంగా వుంటాయి. ఎత్తైన పాకలు , పందిల్లు ఎక్కి కొక్కురోకో అంటూ
                                     మెడను చాచి ఒంచుతూ అరుస్తూమానవుల్ని మేలుకొలుపుతాయి.
                                     అదేమిటో పాపం పుట్టక ముందే ఆ జనాలకు ఆహారమయ్యే జీవికూడా
                                     ఆ కోడే ! ఉదయాన్నే, ఇప్పటిలా అలారం టైంపీసులు లేనప్పుడు (ఇప్పుడు
                                     అలారానికీ సెల్ ఫోన్లే) కోడే దిక్కు ! అందుకే ఆకాలంలో వెకువనే లేవడం
                                     అని చెప్పటానికి కోడికూయగానే లేస్తాము అని చెప్పేవారు. ఇంద్రుడు అలా
                                     కోడి రూపమెత్తి తెల్లారకముందే కూసి తన బ్రతుకును శాపంతో తెల్లారించు
                                     కున్నాడు.

                                      కోడి పేరు చెప్పగానే మేం చిన్నప్పుడు చందమామలో చదువుకున్న"ఎందుకో
                                     తెలుసా ? " అన్న శీర్షికలో కోడి అస్తమానం కాళ్ళతో నేలను కెలుకుతుంది
                                     ఎందుకో తెలుసా ? అన్నకధ జ్ఞాపకం వచ్చింది. అసలు గద్దలూ కోళ్ళూ చాలా
                                     స్నేహంగా వుండేవట ! ఒకసారి కోడి గద్దతో "మీరు ఎంతో ఎత్తుకు ఎగిర
                                     గలరు. మీతో షికారుగా ఎగరాలంటే మాకు రెక్కలున్నా ఎగరలేము"
                                     అందట. అప్పుడు గద్ద కొన్ని ఈకలు, ఓ సూది ఇచ్చి "వీటితో ఈ ఈకలను
                                     మీ రెక్కలుకు కుట్టుకోండి. అప్పుడు మీరూ మాలాగే ఎగరగలరు" అంది.
                                     సరే అని తీసుకొని కోడి సూదిని ఎక్కడో పారేసుకుంది. సూదికోసం వచ్చిన
                                     గద్ద సూదిపోయిందని తెలుసుకొని అప్పటి నుంచి కోళ్ళపై విరోధం పెంచు
                                     కొన్నాయట. అప్పటినుంచి ఇప్పటి దాకా సూది వెతికి గద్దలకిచ్చేద్దామని
                                     నేలను కోళ్ళు కెలికుతూ వెతుకుతుంటాయట!

కోళ్ళమీద కార్టూన్లు కూడా శ్రీ బాపు , సరసి గారు వేశారు. ఇప్పుడైతే వెజ్,

                                     నాన్ వెజ్లు కలిపి హోటల్లు వుంటున్నాయి కానీ మా చిన్నప్పుడు నాన్ వెజ్

                                     హోటళ్ళు సెపరేటుగా వుండెవి. వాటికి మిలట్రీ హోటల్ అనీ , రాజుల

                                     హోటళ్లనీ పేర్లుండేవి. 

                                     . ఒక సారి మా మితృణ్ణి కోడి జాయింటు భోజనం అంటుంటారు.

                                     , అంటే ప్రక్క కోడిని కూర్చోబెట్టి దాంతో పాటు మనకీ భోజనం

                                     పెడతారా అని నవ్వుతూ అడిగా ! ఇంకేం అలా కార్టూనేసేయ్ అన్నాడు.V

మన సినిమాల్లోనూ కోడి మీద ఎన్నో హిట్ సాంగులొచ్చాయ్., తొలికోడి

                                     కూసింది, కొక్కొరోకో కన్నె కోడి, కోడి ఒక కోనలో పుంజుఒక కోనలో,
                                     బంగారు కోడిపెట్ట, ఇక "దొంగరాముడు "సినిమాలో సావిత్రి, విలన్ ఆర్.
                                     నాగేశ్వరరావుతో పాడిన " రావోయి మాఇంటికి... నంజుకోను అరకోడి
                                     కూరన్నది" అన్న పాట, అన్నీ హిట్లే !!కోళ్లని కుక్కుటాలు అని కూడా
                                     అంటారు. తూర్పుగోదావరి జిల్లాలో పిఠాపురంలో కుక్కుటేశ్వర ఆలయం
                                     వుంది కుక్కుటేశ్వరుడు స్వయంభూలింగము. ఈ లింగము కుక్కుటాకారంగా
                                      వుంటుంది ! ఈ శివ లింగానికి రెండు వైపులా రెక్కలు స్పష్ఠంగా అగుపిస్తాయి.!
                                      ఇంత సేపూ కోడిమీద వ్రాస్తుంటె పాపం కదలకుండా కూర్చుంది. ఇంకా
                                      వదలకపొతే జీవహింసవుతుంది !!

ఈ మాటూ రానట్టేనా ? !

                              ఎప్పటిలానే గణతంత్ర దినోత్సవమ్ వచ్చేసింది. మాజీ గవర్నర్లకు,

                              తారలకు, తారడులకు అవార్డులు పంచేశారు. కాని తెలుగువాడికి

                              మళ్ళీ తీరని అన్యాయం జరిగింది. మన బాపురమణలకు అవార్డు

                              రాలేదు. పెద్ద కబుర్లు చెప్పే మన నాయకులు కేంద్రంలో ఎంత

                              పలుకుబడి వుందో అర్ధమవుతుంది.తమ సినిమాలు ఫట్ ఐనా

                              తమమీద, తమ సినిమాలపైనా తామే కార్టూన్లు వేసుకొనే

                              విశాలహృదయులు శ్రీబాపురమణ.

                              అవును బాపురమణులు బాక్సాఫీసు రికార్డులు బద్దలుకొట్టే

                              సినిమాలు తీయలేదు. వాళ్ళు తీసిన " సాక్షి " సినిమా ఎవరి

                              ప్రయేమం లేకుండా, పైరవీలు లేకుండా తాష్కేంట్

                              ఫిలిం ఫెస్టివల్ (సోవియెట్ రష్యా) లో ప్రదర్శించారు. చైనా

                              మంగోలియాలలో  ప్రదర్శించారు. ఇక" సీతాకళ్యాణం"లండన్,

                              షికాగో,బెర్లిన్, పారిస్ ఫెస్టివల్స్ కు వెళ్ళింది.సినిమా నిర్మాణ

                              పాఠ్యాంశమయింది!

తెలుగుదేశం ప్రభుత్వహయాంలో పిల్లలకు తెలుగు వీడియో

                              పాఠాలు తయారుచేసి యన్టీఆర్ చేత ప్రశంసలను పొందారు.

                              ముత్యాలముగ్గు, బుద్ధిమంతుడు లాంటి జనామోదమైన

                              చిత్రాలను తెలుగు తెరకు అందించారు. శ్రీరామరాజ్యం

                              చిత్రాన్ని కన్నుల పండుగగా తయారుచేశారు. 

                              వారి అభిమానులుగా అవార్డు ఈ ప్రతిభావంతులకు రాలేదే

                              అని మనస్సు చివుక్కుమని వ్రాశానే కాని  ఈ అవార్డులకు

                              ఎప్పుడో విలువ పోయింది. .ఒక సంతోషమైన విషయం:

                              ప్రఖ్యాత దివంగత కార్టూనిస్ట్ మెరియోమిరండాకు అవార్డు

                              రావటం ! ఆయనా మన దక్షిణాదిరాష్ట్రాలకు చెంది వుంటే

                              వచ్చేది కాదేమో !!