హనుమత్ జయంతి పంచాంగాలలో చూస్తుంటే రకరకాల తేదీలు అగుపిస్తున్నాయి.
భగవంతుడికి భక్తుల దృష్టిలో నిత్యం జన్మదినాలే!ఆంజనేయుని జయంతి ఎప్పుడైనా
ఆయన కరుణా కటాక్షాలు మన అందరిపైనా సదా ఉండాలని కోరుకుందాం.
ఈ సంధర్భంలో హైదరాబాదు పాత బస్తీలో గొడవలు చెలరేగటం బాధాకరం.ఎందుకో
నాకు గతంలో ఓ ముఖ్య మంత్రిని దింపటానికి జరిపిన ప్రయత్నాలే మరో సారి మరో
కుతంత్రం జరుగుతుందోమోనని సందేహం కలౌగుతున్నది.ఇది నిజం కాకూడదని మన
రాష్ట్ర ప్రజలంతా సుఖ సంతోషాలతో ఉండాలని హనుమాన్ దేవుని ప్రార్ధిద్దాం.
హనుమంతుడు మొదటి సారిగా శ్రీ రాముణ్ణి కలసి మాటలాడినప్పుడు, రాముడు
లక్ష్మణునితో ఇలా అంటాడు." హనుమంతుడు వాక్యజ్ణుడుగా కనపడుతున్నాడు.
నీవు ఇతనితో మధురముగా మాట్లాడవలెను. ఋగ్యజుస్సాను వేదాలు మూడింటినీ
అధ్యయనము చేయనివాడు ఇతనివలె మాట్లాడలేడు. ఇతడు వ్యాకరణాన్ని అంతా
అనేకసార్లు తప్పకుండా చదివి ఉంటాడు.అందువల్లనే ఇతడు ఇంతసేపు మాట్లాడినా
నోటివెంట ఒక్క అపశబ్దమూ రాలేదు.ఆపి ఆపి మాట్లాడలేదు. గబగబా మాట్లాడలేదు.
సందిగ్ధముగా మాట్లాడలేదు.హృదయములోనుంచి కంఠగతము అయిన మాటలను
మధ్యమ స్వరములో అన్నాడు.వ్యాకరణ సంస్కారముతో అక్షరక్రమముగా దబదబ
కాకుండాను, జాగుచేయకుండాను మనోహరముగా మాటలు ఉచ్చరించినాడు. హృదయములో
ఏ దోషమూ లేకుండానూ,కంఠము కంపించకుండాను,తల ఆడించకుండానూ ఎంత చిత్రముగా
మాట్లాడినాడు! ఇట్లా మాట్లాడితే శత్రుత్వముతో చంపవలెను అని కత్తి ఎత్తినవాడు సయితము
సంతోషించి వదలిపెట్టుతాడు.ఇటువంటి గుణవంతులూ,కార్యసాధకులూ అయిన దూతలవల్లనే
ఏ రాజుకు అయినా సర్వార్ధాలూ సమకూడుతవి"అన్నాడు
( శ్రీ శ్రినివాస శిరోమణి వచన రచన వాల్మీకి రామాయణం నుండి )
హనుమంతుడు ఎంతటి విజ్ణాణ వంతుడో వాల్మీకి అద్భుతంగా తెలియచేశాడు.
హనుమత్ స్తుతి
బుద్దిర్బలం యశోధైర్యం
నిర్భయత్వం మరోగతా
అజాడ్యం వాక్పటుత్వంచ
హనుమత్ స్మరణాధ్బవేత్
హనుమత్+జయంతి - హనుమజ్జయంతి -> శ్చుత్వసంధి।
ReplyDeleteజ్ఞ రావడం కష్టమవుతున్నట్టుంది మీకు। ఏ పరికరం వాడి టైపాటుతున్నారు?