బుల్లి బుక్స్-మిని మాగజైన్స్ !!

బుల్లి బుక్కులు -మినీ మాగ్జైనులు !

పెద్ద మనుషులు ( పొడుగు మనుషులు ) చిన్న మనుషులు

ఉంటారు. మరీ పొట్టి మనుషుల కధను మనం గలివర్స్ యాత్రల

కధల్లో విన్నాం. ఇక పుస్తకాలలో కూడా బుల్లి బుల్లివి డిక్షనరీలు,

భగవత్గీతలు వచ్చాయి. గతంలో 1979 లో విజయబాపినీడు అనే

ప్రముఖ తెలుగు రచయిత , బొమ్మరిల్లు, విజయ, నీలిమ పత్రికల

సంపాదకుడు ,ప్రచురుణకర్త " నీలిమ " అనే పత్రికను చిన్న సైజులో

( 3.5" X 5'.7" ) 383 పేజీలతో బైండింగ్ పుస్తకాలకుండే సెక్షన్

కుట్టుతో ప్రచురించారు. ఈ చిన్న పుస్తకంలో " సురాజ్ ఉద్దేలా"

( విశ్వ ప్రసాద్ రచన) చరిత్రాత్మక సీరియల్, నవలాను బంధంగా

ఓ నవల, కార్టూన్ స్పెషల్ అని కొన్ని పేజీల్లో కార్టూన్లు, ప్రతి నెలా

ప్రచురించబడేవి. ఆయన సంస్థ నుంచే వెలువడిన " బొమ్మరిల్లు "

పిల్లల పత్రికకు అనుబంధంగా ప్రతి నెలా అరేబియన్ నైట్స్ కధలతొ

చిన్న పుస్తకాలు ( 2'.2"X5'.00") సైజులో వచ్చేవి. ఇవన్నీ ఆనాటి

జ్ణాపకాలు మీతో పంచుకొంటున్నాను.