సీనియర్సార్!! మన సీయస్సార్ !!

సియస్సార్ అనే చిలకలపూడి సీతారామాంజనేయులు నటించిన

మొదటి సినిమాకే ఐదు వేలు పారితోషికంగా తీసుకొన్న గొప్ప

నటుడు. ఆ రోజుల్లో సినిమాలన్నీ కొల్హాపూర్ లోనె తీసే

వారు. ఆయన కృష్ణుడిగా నటించిన "ద్రౌపదీ వస్త్రాపహరణం"

చిత్రానికి మొదట వేసుకొన్న బడ్జెట్ ఎనభైవేల రూపాయలైతే

చివరకు అది లక్షాఇరవైవేల రూపాయలయిందట. ఆయన

స్వరం లోఓ రకమైన ప్రత్యేకత వుంది. నాటకాల్లో ఆయన

పద్యం చదివితే ఒన్సుమోర్లతో హాలు నిండి పోయేది. తరువాత

సినిమాల్లో కృష్ణుడిగా పద్యం ఆలాపించే దృశ్యం రాగానే నాటకాల్లో

లాగ ప్రేక్షకులు ఒన్సు మోర్ అని అరిస్తే హాల్లోని ఆపరేటర్లు రీళ్ళను

వెనక్కీ తిప్పి మళ్ళీ వేసేవారట. "కన్యాశుల్కం" సినిమాలో

మధురవాణి పాత్ర ( సావిత్రి ) తో సీయస్సార్ నటన మరువ

లెనిది. "లొట్టిపిట్టలు" అన్న మాటకు సావిత్రి విరగబడి నవ్వటం

అప్పుడు సీయస్సార్ నటన అద్భుతం. "మాయాబజార్" చిత్రంలో

ఆయన పోషించిన శకుని మామ పాత్ర, "దేవదాసు"లొ సావిత్రి

భర్తగా "దేవుడు నిన్ను చల్లగా చూస్తాడు" అన్న నటన,ఇలా

ప్రతి సినిమాలో దేనికదే మరపురానివి. . 11-07-1907

జన్మించిన ఈ మహానటుడు, 8-10-1963 న కీర్తిశెషులయ్యారు.

సీయస్సార్ హాస్యాన్నే కాదు దుష్టపాత్రలనూ అనితరసాధ్యంగా

పోషించారు. మద్రాసులో పాండీబజారులో తన బ్యూక్ కారులో

వచ్చి సినీజనాలతో కబుర్లాడేవారట.

బాపు గారు తన కార్ట్యూన్లలో సియస్సార్ గురించి ఇలా అంటారు:

జీవన్నాటక రంగంపై

నటరంగంపైన తరంగంపై

ముత్తరాల పెద్దంతరాలపై

ముక్కుమాటలే ముద్దుబాటగా

మారక ఆగే సీనియర్సార్-

ఆయన ’సీయస్సారు’ చైర్మన్ పాండీబజారు......

( ఈ చిన్న రచనకు శీర్షిక, కార్ట్యూను బాపుగారినుంచి సంగ్రహించా.

మా బాపు గారికి నమోవాకాలు)